عبود الحاج سلطان الزرگانی
ولی اخلافهم یاروح والی
اگصدیهم اوترکی علیه والی
علی اطراف الاسنه ارکبت والی
اشد و اعظم سرور اعدای بیه
ابیوم ادهر طرنی من نحابای
ودوک اسمع عویلی من نحابای
وحق در الرضعته من نحابای
همومی کل مسه ایهجن علیه
بچیت و صارت الخله علی اشفای
الحاذق ما اظن یلحگ علی اشفای
ظع مرات خدینک علی اشفای
حتی اتشوف باجی الرمق بیه
ـــــــــــــــــــــــــــــــــــــــــــــــــــــــــــــــــــــــــــــــــــــ
مدحت العگل بالفرگه میانه
علیک اشره یمحبوبی میانه
عجب مرسول من طرفک میانه
اشعلامک ششدهک شنهی القضیه
ـــــــــــــــــــــــــــــــــــــــــــــــــــــــــــــــــــــــــــــــــــــ
جفوا ما چنت احسب یوم یجفون
وگلت ویای بالنیبات یجفون
اصبرن لا تهلن دمع یجفون
الکریم اعطف من الوالد علیه
ـــــــــــــــــــــــــــــــــــــــــــــــــــــــــــــــــــــــــــــــ
یمطر در ومی احمر معلیل
ابقدره وچم گلب مثلی معلیل
انشد والنجم عن حالی معلیل
وخاطر لومکم واجب علیه
ـــــــــــــــــــــــــــــــــــــــــــــــــــــــــــــــــــــــــــــــــــــــــ
گصدی ارشف سنا الوجنات وشتم
وشوف اشفات من العمر وشتم
علیه زعل ساهی العین وشتم
صدگ شتمات لاچن شرف لیه
ــــــــــــــــــــــــــــــــــــــــــــــــــــــــــــــــــــــــــــــــــــــــ
طول الیل معلج فنیانه
ومسهرنی غرامک فنیانه
امن صد ونظر جبینک فنیانه
اشحدی وصدتک بیها المنیه
ـــــــــــــــــــــــــــــــــــــــــــــــــــــــــــــــــــــــــــــــــــــــــ
دنیف وبس لعد غیری بس اومی
اون علیک یل مرخص بس اومی
خرس واطرش بگیت انه بس اومی
بصابیعی وتری ازنودی رخیه
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
یناهی روس وجناتک لهن شاب
نور وهجرک اعضامی لهن شاب
مرض ولیالی افراگک لهن شاب
راسی من عظم فرگاک لیه
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
طرس لو ولف گلبی یالمنه
چا ذابت و جروحه یا لمنه
چنی بلاد اهلنا یا لمنه
یوم الما یطب زوللک علیه
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
حکیمی ان چان عندک نظر و لام
دواک ودک جرح الگلب ولام
بعد ما ظل علی عتب ولام
بسبب شظ الدهر ولفی من ادیه
ـــــــــــــــــــــــــــــــــــــــــــــــــــــــــــــــــــــــــــــــــــــــــ
دوا یا صاح لجروحی وذرها
احشای بمرهن الحاظه وذرها
دعها چاتبی قتلی وذرها
لکی خصمی غداه تصیر هیه
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
لیال الماضیات ابوصل یادن
بهن گطبن جروحی الگبل یادن
شلک یغراب عندی وتر یادن
ابعنیقک جددت حزنی علیه
ـــــــــــــــــــــــــــــــــــــــــــــــــــــــــــــــــــــــــــــــــــــ
الدهر یفعل ابکیفه من یراده
واسبع یجعل الخارم من یراده
شفت الصگر مخرک من یراده
وتعرفه اسلالها بالموزمیه
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ایعیض علی النهایل سمل بلهم
امدرمس یا دلیل الگلب بلهم
نص الیل واسمع وشت بلهم
مر داعی الضعن مدنف علیه
ـــــــــــــــــــــــــــــــــــــــــــــــــــــــــــــــــــــــــــــــــــــــــ
ولا مصباح مـــــــــــــــا ونیت ونتین
افرعن شجرات وسط الگلب ونتین
اشــــــالچن یـــــــــمنیوبات ونتین
سده بیچن مثل مامر علیه
ــــــــــــــــــــــــــــــــــــــــــــــــــــــــــــــــــــــــــــــــــــــ
یاواشی العلی یغراب وشلاک
ویا دین الثبت لک علی وشلاک
عسی دهرک رماک بسهم وشلاک
وتضوگ المر علی والصار بیه
ـــــــــــــــــــــــــــــــــــــــــــــــــــــــــــــــــــــــــــــــــــــــــ
روحی الشوگ یاصاحب یعلها
تون و البل بلا ونتی یعلها
ظعون الشالت احبابی یعلها
اضلاع ولا سرت و گطعت فیه
ــــــــــــــــــــــــــــــــــــــــــــــــــــــــــــــــــــــــــــــــــــــــ
یوم الی حدو بالظعن ونطار
ظعنهم ما دریت العگل ونطار
کلیوم انتظر للفرج ونطار
فلا شوفن فرج یاصاح لیه
ـــــــــــــــــــــــــــــــــــــــــــــــــــــــــــــــــــــــــــــــــــــــ
دوک النفس سلیها و شدها
وفرغ الگلب من همه وشدها
الذی ما عصب اجروحه وشدها
ایتامل و یترقـــب للمنیه
ــــــــــــــــــــــــــــــــــــــــــــــــــــــــــــــــــــــــــــــــــــــــــ
یصاحب جده نظرک یانبلهم
ابهیمه وتم دلیلی یا نبلهم
احـــــو یا نار کبری یا نبلهم
النبل اشوا من الفرگه علیه
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ینخلات الوفه حالی تمرچن
حسافه ایامنه المره تمرچن
لیلی الغدر ما ردنه تمرچن
ابعواصف بله وتحترجن سویه
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
من هجرک علی اعضامی تبین
خلل والعگل یا صاحب تبین
اشکثر صلفلت یعیونی تبین
دمع مو دم علی الشحو علیه
ــــــــــــــــــــــــــــــــــــــــــــــــــــــــــــــــــــــــــــــــــــــ
ماتدری ابجفاک الدمع دملای
اخذ بیدک صمیلک گوم دملای
صبح مارید انه یالیل دملای
یکفی امعانقه المصباح لیه
ــــــــــــــــــــــــــــــــــــــــــــــــــــــــــــــــــــــــــــــــــــــــ
یگلبی اشکثر للودوک ودیت
ومراسیلک ردف للمحب ودیت
گــبل ما فارگت خزنت ودیت
استگصیت الذنب گبل الخطیه
ـــــــــــــــــــــــــــــــــــــــــــــــــــــــــــــــــــــــــــــــــــ
تمیل انگابها والثغر لیلای
اسهرت عینی وحیا طول لیلای
تجی لو ندعی المخلوگ لیلای
ابدمعی کرشگل مزن لیه
ـــــــــــــــــــــــــــــــــــــــــــــــــــــــــــــــــــــــــــــــ
البیابی دوم دم یاصاح سلن
ومن الفرگه جمیع اعضای سلن
اتامل شوف فعل الغید سلن
صوارم وعملن طبرات بیه
ـــــــــــــــــــــــــــــــــــــــــــــــــــــــــــــــــــــــــــــــــــــ
اشحلل دمی الک یاترف وفتاک
وسهم لحضک ورد بحشای وفتاک
غلگ عنی وداد البیض وفتاک
دلیلی ابیوم زولک طل علیه
ــــــــــــــــــــــــــــــــــــــــــــــــــــــــــــــــــــــــــــــــــــ
یروحی الصادفچ یکفی سهادای
حکیم الحل مرض بیه سهادای
غسلی مدمعی وحکلی سهادای
دمع اخضابی و ذچرهم عطر لیه
ــــــــــــــــــــــــــــــــــــــــــــــــــــــــــــــــــــــــــــــــــــــ
ابطرس چاذهب عگلی لو میانه
ابقبض یدجع تسبنی لومیانه
ابد مالـوم غیـری لـو مـیانه
علی گلبی الهواک وعمل بیه
ــــــــــــــــــــــــــــــــــــــــــــــــــــــــــــــــــــــــــــــــــــــ
نیران الحرب بالسیف ویهین
ابعجل حتی یذل الصبر ویهین
الثار ایرید تچسی الارض ویهین
ویه نار ودمه تچسی الوطیه
ــــــــــــــــــــــــــــــــــــــــــــــــــــــــــــــــــــــــــــــــــــــــ
وحق من داس بالمرمر ولانه
الدهر بجفاک یسرنه ولانه
وفی ماشوف لصاحب ولانه
وفیت الخلتی وما وفوا لیه
ــــــــــــــــــــــــــــــــــــــــــــــــــــــــــــــــــــــــــــــــــــــــ
الکلت حگه الرجال ونام ماحس
اباذیه وظیم گضه العمر ماحس
الما چبش اصیله ویوم ماحس
علیها ایروح حگه ابکل نویه
ــــــــــــــــــــــــــــــــــــــــــــــــــــــــــــــــــــــــــــــــــــــــ
الذی ما یکرم الصاحب ویرعا
بهیمه او یالوحش سارح ویرعا
شری من چف اسد اشرب ویرعا
عسل من چف نذل یصعب علیه
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
ماتدری ابسهم هجرک بچبدای
فتک والفرگتک گلبی بچبدای
الجفن بچفاک یمدلل بچبدای
دمع شبه العبیط ایسیل میه
ــــــــــــــــــــــــــــــــــــــــــــــــــــــــــــــــــــــــــــــــــــــــــ
گفضه من الجدم جعدک هوادج
یشبه للدجه لابل هوادج
یخی زان الظعن من بل هوادج
کما تزهی الانام البالثریه
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ابترمه وصافنات الرمک یالیت
اصایل وبثنایه اعدای یالیت
ایالیت الیالی اتعود یالیت
ابوسط گومی وعلم یطرخ علیه
ـــــــــــــــــــــــــــــــــــــــــــــــــــــــــــــــــــــــــــــــــــــــ
سکنت البید انوحن ونعبلهم
ابطلل والچبد سو س ونعبلهم
اغراب البین غرد ونعبلهم
ارحلو ودیارهم تمت علیه
ــــــــــــــــــــــــــــــــــــــــــــــــــــــــــــــــــــــــــــــــــــــــ
بچیت وراحن اعیونی شتانی
علیک ومنک الواشی شتانی
الظعن گوطر وانه موچب شتانی
لرد الدارهم وانصب عزیه
ـــــــــــــــــــــــــــــــــــــــــــــــــــــــــــــــــــــــــــــــــــــ
الظعاین سرن والحادی یحدهن
اعهودی وکل مواثیقی یحدهن
اعالج یا کتر منهم یحدهن
الدهر واهلی وهلچ عدوان لیه
ــــــــــــــــــــــــــــــــــــــــــــــــــــــــــــــــــــــــــــــــــــــــ
احبابی الخلوا ابگلبی بسلهم
نحت طول الدهر و ابچی بسلهم
لون اشرب شری وحنظل بسلهم
ولا نص یوم فرگاهم علیه
ــــــــــــــــــــــــــــــــــــــــــــــــــــــــــــــــــــــــــــــــــــــ
العلی سمح القدایر شمر کمین
اسا داخل ضمیر احشای کمین
ترکنی مثل قد اسقیک کمین
ابالم حتی اهلکت ما عاد لیه
تم تنشیط هذه المدونه اجلالا"