یابر الوهبی
احشم بسلف محد حمالای
علی الایناب ماظبن حمالای
اهناک اوطلع عار اومن علیه
شبه صعصع صرخ بيها و ناده
غضب و اشقه الارض سيفه و ناده
الوحي وصل نزل بيده و ناده
اختار الله و رضا ابسهم المنيه
تسعر نار البگلبي و حاده
عله اهل الضعن من گوض و حاده
وگف وگفه ابواليمه وحاده
دون الدين و اختار المنيه
وحگ الي تعبده الناس منشف
ودمه دمعي البيابي انسجم منشف
اجت زينب تصيح ابصوت منشف
وگع جسم الغريب ابيا نويه
محمد شرف القدره بساطه
وكل شده علي عنده بساطه
مثل زينب و شمر يضرب بساطه
عجب والله عجب يهل الحميه
بس آنه عليه الهضم بسط
حمس گلبي تراهو ابنار بسط
مثل سكنه و يطگه الشمر بسط
و شتايم فوگ طگها ابن دعيه
عليه الهظم يمحمد ترادار
و لا خله علي منزل ترادار
هذا احسين و العسكر ترادار
عليه اشلون و انه اشلون بيه
عليه الهضم يمحمد تعاله
و اظن مكتوب من ربي تعاله
هذا احسين شد و ركب تعاله
تراهواوحيد بارض الغاضريه
عليه الهظم يمحمد تراكه
و لاخله من اخوانك تراكه
تمنيت انه اعيوني تراكه
و تكفني من اليسر يصعب عليه
عليه الهظم يمحمد تلافه
و ترضا ايروح كل عزك تلافه
اترفرف عمر راياته تلافه
علي امكم يبو صالح شل قضيه
اشراك الدهر انه من نصبها
و دمعتي تحرگ الوجنه من نصبها
اخيامه ابواليمه من نصبها
دريت انسبي ابارض الغاضريه
اليطب الكون لا يندم و لا راد
ايجد و لايحط مدرك و لا راد
يگضي مطلب العنده و لاراد
اسمه ايشيع يوم الموزميه
اليطب الكون لا يندم و لاهم
و يصبر لو صبر گوته و لاهم
يگضي مطلب العنده و لاهم
عزو يفتخر بعد المنيه
اليطب الكون لا يندم و لاچان
و يحسب لا ضره عنده و لاچان
يگضي مطلب العنده و لاچن
هلاكه و لا يعيش ابمهضميه
عرب يل تريد الزلم موحوش
ويفرهون الگلب لوچان موحوش
الراد الاسم بالمنوات موحوش
الاسم بالسيف موش ابمهضميه
حلات الرجل كل معروف ودله
و كلامه بي ذوق و ملح و دله
عدوه ما يبوگه بوگ و دله
يگله احذر اجيت انه ابسريه
ركايب سرت و الحادي بعدهم
جفوني لاتظن تغمض بعدهم
يگلبي لا تبطل الهم بعدهم
و ضل محزن لما ايعودون ليه
ركايب سرت و الحادي ذبلها
و من الفرگه شحم گلبي ذبلها
تعال و شوف دلالي ذبلها
هرشه من زفير الصار بيه
ركايب سرت و الحادي حملهن
ابحزن و اعضاي فرگاهم حملهن
المصايب هل علي مرت حملهن
محد بس اسير الغاضريه
ركايب سرت و الحادي بره الهن
ابحزن و اعضاي فرگاهم بره الهن
اجروحي لا تظن يحصل بره الهن
امخزنه و نار فرگاهم سريه
ركايب سرت و الحادي هم الهن
و جفوني لاتظن يبطل هم الهن
يدهر الشوم ايامك هم الهن
حد و ترجع الغياب ليه
روحي اشمرد اصبرها سلوها
احباب الگوطرو عني سلوها
روح اسئل من السلو سلوها
لوضلت محزنه دوم هيه
نجوم اليل يمدلل شهادن
و ليالينه الهجر يدرن شهادن
تگلي اگرب و ليمك شهادن
شبه ناقوس لاتخفي عليه
من اعيونه نبل يرمي و زانه
انهيم بيته الهوا قاسي وزانه
كثير اشكر من احسانه و زانه
وفي و لايوم خان الوعد بيه
وفي و مامن ولف مثله تراهن
و ليالي الوصل من هجره تراهن
الواشي گال خلينه تراهن
غلبت انه الولف ما خان بيه
ماخان الولف بيه و لا غاب
و لايسمع حچي الواشي و لاغاب
اشكثر اعيوب حطوله و لا غاب
بيهن ما اعتنا و يطر عليه
عليه اشكثر يوداته و مانه
ابشرها بين حچي الماضي و مانه
حط الخطر جدامي و مانه
گلتله ارضا الخطر خله عليه
عليه الخطر خله و لتهام
ونام ابرغد كل ليله و لتهام
انگول الوالده مايابت ولتهام
شهيد هواك متمن ذنب ليه
شهيد الهوي يسكن جناها
و لاسيه عليه اظل جناها
يوم اسعيد لوگالو جناها
يابر ابن سالم ذيچ هيه
من اجنيها يصاحب ولهواني
انوب ارتاح من همي ولهواني
كلامه و طول جيده و لهواني
صافي اوياي يمشي جيد نيه
يناهي نور وجناتك شباها
البدروالنار البگلبي شباها
اگرب و انظر العلتي شباها
ابعينك لاتظل اتلوم بيه
لاتغرك هلدنيه و توم الك
ولاتفرح ابنوگك يابت توم الك
چم صاحب شفت گبلك تو الك
غط اببحرها و غرگته الهاويات
لاتغرك هلدنيه البلمكر معروفه
ولاتجازي ابرده الما يوفي الك معروفه
يحفر ابير الصاحبه و معروفه
عليه انهدم و ما تنفعه المنقضات
لاتغرك هلدنيه و هاتمن
لاتسوي زين و ابزينك هاتمن
الجابلك بلوزن كيلو هاتمن
و اعمل الخيرات بيهن اتحصل الغانمات
فضلك عل ملي ثابت و لك شاع
و ابساق الرش نورك و لك شاع
نجح كلمن صديق الكم و لك شاع
يموت و لا يشوف الزمهريه
و حگ الطافت العالم و حايت
اسهرت ما نمت ليلي و حايت
ابيوم اگبلو گمت الهم و حايت
حافي اركض و قدملهم تحيه
خوي الزين شنهي الگال يوفاي
اگواش اوياك تعبر عبريوفاي
اتريده شمس شمس ايصيريوفاي
ربيع اتريد هم عنده ايتهيه
ايلوم الابخت عنده ولاحظ
سواچي ماتكظ دمعي ولاحظ
آنه امنل عدوانطرولاحظ
النگب بشرمن الصاحب عليه
یدهری یوز من الغبر والبد
قصدک کون اسد الباب والبد
العنده اخوان من الرحم والبد
یفرحون الگلب بلموزمیه
ــــــــــــــــــــــــــــــــــــــــــــــــــــــــــــــــــــــــــــــــــــــــــ
صدیق ازین موش ابشهر یوعام
اویصیر ابده من الخوان یوعام
هوه اشوف بعد اشوف یوعام
یصیر اخو ویدلی خویه
ـــــــــــــــــــــــــــــــــــــــــــــــــــــــــــــــــــــــــــــــــــــــــ
اشماداوی جرح البگلبی یلمنی
نحیل اوبس بگه هدمی یلمنی
الو مااخاف انه الایم یلمنی
چنت احچی امصاب المر علیه
تم تنشیط هذه المدونه اجلالا"